الناس الطيبين بقلم الشاعر / محمود جلال

الناس الطيبين
يا دنيا مالك كده
دايسه علي الغلبان

ما شافش فيكي هنا
ولا حس فيكي امان
ولاشافش ساعه رضا
كلك اسي وحرمان
""""""""""""""""""""""""""""""""""""""""""""""""""
مالك يا دنيا كده مالك
انا اللي توهت في احوالك
الغدارين فيكي ليه عايشين
والطيبين مش علي بالك
يادنيا ماشيه بالمقلوب
والكدابين بقو رسمالك
الطيبين تاهو فيكي خلاص
ويمكن كمان مش عارفاهم
وان يوم جيتي تبوصلهم
بتزودي دمع عيونهم
حرام عليكي ابوس ايدك
ماتزوديش من احزانهم
حتي البشر مش رحماهم
دايمآ بطيبتهم ظلماهم
والطيبه صبحت ظلم ياناس
من غير مشاعر ولا احساس
الصبر يارب تعبنا
وكبيرنا م الظلم وشيبنا
وده كله من حنيتنا
وبكينا وبسبب الاخلاص
دي الناس الطيبين
ينشالو فوق الراس
غنائيه/كلمات
الشاعر الباكي/محمود جلال