أنا الحاضر
أنا الغايب
أنا المحبوس مالوش نايب
أنا المذنب
أنا التايب
أنا المربوط
أنا السايب
أنا الجوكر
أنا الشايب
أنا الأول فى دور العرض
انا الكومبارس
أنا المكتوب على ضلوعى تدوب م الهرس
أنا بكره
أنا امبارح
أنا الجرح اللى بات سارح
أنا المقسوم
أنا المضروب
أنا المطروح من الافكار
أنا المجموع على الأوجاع
انا المرمى كده و بتاع
انا من كتر اهمالكم
بقيت رابط على اعتابكم
حزام ناسف
انا آسف
عشان غيرى
ماهوش آسف
ليست هناك تعليقات:
إرسال تعليق