لو كل حب جوا كل قلب حبنى
لو كل عشق عايشنى فيه
وجوا حضنه شدنى
ولو كل نجمة فى السما
ما بين كفوفى هتترمى
وكل حلم حلمت بيه هيجى
لعندى وينحنى
ولو هعيش بعيد عن
اهلى وموطنى
ولو بعد ما كنت عزيز
القهر وفقرى ذلنى
صدقينى ما فيش فى ده
حاجه واحدة تهمنى
بعد ما حبك هزنى
وخليتنى اعرف ان حياتى
إنى اعيشلك
وخليتنى اعرف ان الحب
إنى احبك
وخليتنى اخلص ليك
حتى ف بعدك
وخلينى اشوف بعيونى جنة
عنوانها صدقك
وخليت امالى فى يوم يجينى
واعيشه جانبك
ايوه حبيبتى اطمنى
ما حبك دروس وعلمتنى
وادينى عايش فى الحياه
ويكفينى انى ساكن ف قلبك
لو كل حب جوا كل قلب حبنى
لو كل عشق عايشنى فيه
وجوا حضنه شدنى
ولو كل نجمة فى السما
ما بين كفوفى هتترمى
وكل حلم حلمت بيه هيجى
لعندى وينحنى
حبك دروس وعلمتنى
الرااوي
ليست هناك تعليقات:
إرسال تعليق