( حالة مخاض )
شدى حيلك يابهية
احنا عايشين القضية
آهه واحدة مش كفاية
الولادة قيصرية
الطبيب مرعوش وشايف
الولادة غير طبيعى
بس قومى بالسلامة
انت للازمان علامة
كلنا عايشين مخاض
الولد حيكون معافى
عمره مايكون افتراض
بس قومى بالسلامة
ارمى همك من كتافك
اللى حسك واللى شافك
واللى عاش ايامه سودة
واللى بات يحلم بلقمه
تسد جوعه
واللى عشقك من اساسه
واللى خباكى ف قلبه
وبين ضلوعه
هم اولادك ياغالية
نفسهم يشوفوكى عالية
زى قمرا ف السما
واللى خانك
واللى باعك
واللى هرب بره خيرك
واللى قطع لك هدومك
لاجل ما يشوفك مهانة
استحالة يكون دا ابنك
شدى حيلك يابهية
هو دا أصل القضية
تحياتى
ليست هناك تعليقات:
إرسال تعليق