لهجة محكية
…………
قالوا بنفهم .. ياابن آدم
و على هم الدنيا بنتصادم
بنقتل بعض بنحرق أرض
و نحن ضيوف بهل العالم
و قالوا بنفهم . ياابن آدام
* * *
ناس تعمر و ناس بتدّمر
و شعب بيسكت بتبسّمر
أم بتبكي .. طفلا غاب
شاف الدنيا شعروا شاب
و نحن ضيوف بهل العالم
و قالوا بنفهم . ياابن آدام
* * *
ناس بتشرب نخبا دم
و ناس بتأكل خبزا سم
جيل تعلّم يحمل سوط
طفل بيضحك ليش يموت
و نحن ضيوف بهل العالم
و قالوا بنفهم . ياابن آدم
نضال بوظ
ليست هناك تعليقات:
إرسال تعليق