( ليه يا دنيا )
يا دنيا ليه عماله تجري بالراحه شويه ماتهدي
نفسي أعيشلي فيكي يومين. ليه كل ماأقرب بتصدي.
انا إنسان معاكي حيران أرضيني مره أنا مش طمعان.
عايز اعيش متحرمنيش ليه راسمه دموعي علي خدي.
عايش وخلاص مابين الناس.وبسرعه عمرى بيعدي.
أعملي مرة واجب فيه. حسي بجرحي كفايه أذيه .
غرقتيني فى بحر همومك قاسية عليه كتيرمن يومك.
كل حياتي جراح وهموم وياريتني أتعلمت العوم.
كل ما أعوم هم يغرقني مكتوب ليه أعيش مظلوم.
راضى بحكمك أنت ياربي وحدك ربي إللي كاتبهولي.
علشان قدري راضي انا بيه قادر وحدك خففهولي.
إبراهيم أحمد جابر '
--------------------
ليست هناك تعليقات:
إرسال تعليق