مش هتموتى حلمى
لو كنت حتى فى
اخر يوم فى عمرى
ومش راح اقبل بأى شيئ
ومش هاتوه مهما طال الطريق
ومش راح ارضى بدور مش بتاعى
مش هاتلبسينى قناع غير قناعى
حتى لو شكله طيب برئ
راح اعيش فيكى زى ما انا عايز اعيشك
مش هتفردى جناحك عليا
واكون زى ضعيف متعلق فى ريشك
أنا الراوي لنا ساحر ولا حاوى
ولا اخرى انى اكتب كلام زى الغناوى
أنا الراوي لنا شاعر ولا هاوى
ولا هعمل فى حياتى شيئ
غير اللى كنت مخطط له وناوى
أنا الراوي يا دنيا ابعدى عنى
مش هتقدرى يوم تاخدى شيئ منى
ولا تمنعينى عن ناس حبتهم وحبينى
ولا تبعدينى عن حلمى
ما اللى فات وشفته منك.. علمنى
مش هتموتى حلمى
الرااااوي
الرااااوي
ليست هناك تعليقات:
إرسال تعليق