أبناء العاملين بقلم الشاعر / عبيد رياض ( عبيد آل حريقه )

*****أبناء العاملين*****
صباح الخير يا حسانين
صاحي من بدري رايح فين

رايح توقف في طابور الموظفين
طب يا بني هاقولك كلمتين

دولتنا دي دولة العاملين
كل الوظايف فيها لأبناء العاملين

ااقولك حكايه كدا من سنين
حصلت معايا سنة 3 بعد الألفين

حكومتنا طلبت كل الشهادات
و من الجنسين
رحنا قدمنا فيها و كنا مبسوطين

فات علينا شهر و كمان شهرين
جاني جواب الوظيفة بعدها بشهرين

فرحت زي كل الفرحانين
لكن يا فرحة ماتمت
خدها غراب البين

جاني جواب تاني
هنعيد ترتيب التعيين
من يومها و انا مستني تغيير الروتين

سمعت الكلام يا بني و استنيت سنين
مش بقولك في بلادنا
الوظيفة لأبناء العاملين

أما اللي زيينا يشيلوا تراب أو طين
تروح تقدم يقولك أبوك مين

معاك واسطة و لا فلوسك فين
أخوك علشان نوظفه
بعنا 5 فدادين

بعنا كل اللي حيلتنا و أجيب لك منين
يا بني اسمع كلامي انا قلتلك

في بلادنا الوظيفة فقط
لأبناء العاملين

*****أبناء العاملين*****

بقلمي / عبيد رياض
( عبيد آل حريقه )
15/11 / 2015ً